1.ஸ்ரீபால விநாயகர்
குழந்தை வடிவம், யானைத்தலை; பொன்னிற மேனி;நான்கு கைகளில் ஒன்றில் வாழைப்பழம்,ஒன்றில் மாம்பழம்,ஒன்றில் கரும்பு, ஒன்றில் பலாப்பழம்,துதிக் `கை'யில் அவருக்கு பிடித்த கொழக்கட்டை.
2.ஸ்ரீ தருண விநாயகர்
இளமை பொங்கும் அழகிய இளைஞனாக,ஒடிந்த தந்தம்,விளாம்பழம், கரும்புத்துண்டம், அங்குசம், பாசம், நெற்கதிர்,நாவற்பழம்,மோதகம் தாங்கிய எட்டு கைகளும் கொண்ட சிவந்த மேனியர்.
3.ஸ்ரீ பக்தி விநாயகர்
அறுவடை கால முழ நிலவு போல் ஒளிரும் சாம்பல நிற மேனியர்; வாழைப்பழம், மாம்பழம்,தேங்காய்,கிண்ணம் நிறைய பாயசம் கொண்ட நான்கு கைகள்.
4.ஸ்ரீ வீர விநாயகர்
வல்லமை வாய்ந்த மாவீரர் போல் அனைவரையும் கவர்ந்தீர்க்கும் வகையில், நின்ற நிலையில் அம்பு அங்குசம், மழ, குந்தாலி, சம்மட்டி, சூலம்,வாள்,சக்கரம், சங்கு, கேடயம், கதை, கொடி, பாசம், நாகம், வேல்,வில் கொண்ட பதினாறு கரங்கள் கொண்ட சிவந்த மேனி.
5.ஸ்ரீ சக்தி விநாயகர்
தனது சக்தியரில் ஒருவ்ரை மடியில் அமர்த்தி இடது கீழ்க்க்கரத்தால் அணைத்த வண்ணம் உட்கார்ந்த நிலையில் அங்குசம் பாசம் ஏந்தி வலது கீழ்க்கரத்தால் அபயம் அளிக்கும் நான்கு கரமுடைய ஆரஞ்சு சிவப்பு மேனியர்.
6.ஸ்ரீ துவிஜ விநாயக
நான்கு முக வெண்ணிலவு வண்ண மேனி, அக்கமாலை,தண்டம், கமண்டலம்,ஏடு ஏந்திய நான்கு கரங்கள்..
7.ஸ்ரீ சித்தி விநாயகர்
எடுத்ததை முடித்து வைக்கும் பொன் மஞ்சள் நிற மேனி,மாம்பழம்,பாசு,கரும்புத்துண்டம், மலர்க்கொத்து கொண்ட நான்கு கரங்கள்,துதிக்கையில் எள்ளுருண்டை..
8.ஸ்ரீ உச்சிஷ்ட விநாயகர்
பேரின்பம் அருளும் பண்பாட்டு காவலர், நீல நிற மேனி, தனது சக்தியுடன் வீற்றிருக்கும் இவர் அக்கமாலை, மாதுளம் பழம், வஜ்ஜிர திரிசூலம், நீலோற்பலம், நெற்கதிர், வீணை தாங்கிய ஆறு கரங்கள்.
9.ஸ்ரீ ஷிப்ர விநாயகர்
வரந்தரு விநாயகரான இவர் தந்தம், அங்குசம், பாசம், கற்பகக்கொடி நான்கு கரங்களில் தாங்கியிருப்பார் துதிக்கையில் இரத்தின கும்பம் கொண்ட வண்ன மேனி..
10.ஸ்ரீ விக்ன விநாயகர் :
விக்கினங்களின் அதிபதி. தந்தம், மலரம்பு, பரசு, சக்கரம், சங்கு, பாசம், கரும்புவில், பூங்கொத்து ஏந்திய எட்டு கரங்கள். துதிக்கையில் கொழக்கட்டையை வைத்திருக்கும் பொன்னிற மேனி.
11.ஸ்ரீ ஹரம்ப விநாயகர்
சிங்கவாகனத்தில் அமர்ந்திருக்கும் ஐந்து முக வெண்ணிறமேனி.அபயகரம்,தந்தம்,மலர்மாலை,அக்கமாலை,சுத்தி, பாசம், பழம், கதை, கொழக்கட்டை கொண்ட பத்து கரம்.
12 ஸ்ரீ லட்சுமி விநாயகர்:
வெற்றியைத் தருபவர்; நீல மலர் ஏந்திய இருதேவியர்களுடைய தூய வெண்ணிற மேனியர்; பச்சைக்கிளி, மாதுளம் பழம், வாள், அங்குசம், பாசம், கற்பகக் கொடி, மாணிக்கக்கும்பம், வரம் தரும் கரம் கொண்ட எட்டு கரங்கள்.
13.ஸ்ரீ மகர விநாயகர்:
மூன்று கண்களுடன் நெற்றியில் பிறைச் சந்திரன் ஒளிர, சிவப்பு வண்ணத்தோற்றம். தந்தம், மாதுளம்பழம், நீலோற்பலம், நெற்கதிர், சக்கரம், பாசம், தாமரை, கரும்புவில், கதை ஆகியவற்றைத் தாங்கிய ஒன்பது கரங்கள், தாமரை எந்திய கையுடன் கூடிய சக்தியை பத்தாவது கையில் தழவிக்கொண்டு துதிக்கையில் ரத்தின கலசம்.
14.ஸ்ரீ விஜய விநாயகர்:
மூஷிக வாகனத்தில் அமர்ந்திருக்கும் வெற்றியைத் தரும் செந்நிற மேனி, தந்தம், அங்குசம், பாசம், மாம்பழம் தாங்கிய நான்கு கரங்கள்.
15.ஸ்ரீ நிருத்திய விநாயகர்
ஊன்றிய இடது கால்,தூக்கிய வலது கால், கற்பக விருட்சத்தனடியில் ஆனந்த நடனமாடும் பொன்னிற மேனி. தந்தம், அங்குசம், அபிநயம் காட்டுவது போலுள்ள உயர்த்திய கையிலே பாசம், கொழக்கட்டை கொண்ட நான்கு கரங்கள்.
16.ஸ்ரீ ஊர்த்துவ விநயகர்:
இடது மடியில் அமர்ந்திருக்கும் பச்சை நிறமுடைய தேவியை அணைத்த வண்ணமுள்ள பொன்னிற மேனி. தந்தம், அம்பு, செங்கழநீர்மலர், நெற்கதிர், கரும்புவில்,தாமரை மலர் கொண்ட ஆறு கரங்கள்.
17.ஸ்ரீ ஏகாட்சர விநாயகர்:
பிறை சூடி, முக்கண்ணனுடன் செம்பட்டுடையும், செம்மலர் மாலையும் அணிந்து குட்டைக் கைகால்களை கொண்டு பத்மாசன நிலையில் மூஷிக வாகனத்தில் அமர்ந்திருக்கும் செந்நிற மேனி, மாதுளம் பழம், அங்குசம், பாசம், கொண்ட நான்கு கரங்கள்.
18.ஸ்ரீ வரத விநாயகர்:
வரம் தரும் பிறைசூடிய முக்கண், செந்நிற மேனி, தேன்கிண்ணம், அங்குசம், பாசம், துவஜம் கொண்ட நான்கு கரங்கள்.
19.ஸ்ரீ திரயாட்சர விநாயகர்
ஆடும் காதுகளில் சாமரம் எனும் அணிகளும், தந்தம், அங்குசம், பாசம், மாம்பழம் கொண்ட நான்கு கரங்கள். தும்பிக்கையில் கொழக்கட்டை பொன்னிற மேனி.
20.ஸ்ரீ ஷிப்ர பிரசாத விநாயகர்:
பிறையுடையாடை, முக்கண் கொண்ட சிவந்த மேனி, தந்தம், தாமரை, அங்குசம், பாசம், கற்பகக் கொடியுடன் ஆறு கரங்கள். துதிக்கையில் மாதுளம் பழம்.
21.ஸ்ரீ ஹரித்ரா விநாயகர்
மஞ்சள் ஆடையுடைய பொன்னிற மேனி. தந்தம், அங்குசம், பாசம், மோதகம் கொண்ட நான்கு கரங்கள்.
22.ஸ்ரீ ஏகதந்த விநாயகர்
பெருத்த வயிறு, ஒற்றைத் தந்தம், அக்கமாலை, கோடரி, லட்டு கொண்ட நான்கு கரங்களைக்கொண்ட நீல மேனி.
23.ஸ்ரீ சிருஷ்டி விநாயகர்
தந்தம், அங்குசம், பாசம், மாம்பழம். கொண்ட நான்கு கரங்கள். செந்நிற மேனியில் பெருச்சாளி வாகனம்.
24.ஸ்ரீ உத்தண்ட விநாயகர்:
வலது கையில் தாமரை ஏந்தியுள்ள பச்சை நிற தேவியை இடது கையால் அணைத்துள்ள செந்நிற மேனி. த்ந்தம், மலர்மாலை, தாமரை, கதை, பாசம், நீலோற்பலம்,நெற்கதிர், கரும்புவில், மாதுளம்பழம் கொண்ட ஒன்பது கரங்கள் துதிக்கையில் ரத்ன கும்பம்.
25.ஸ்ரீ ரணமோகன விநாயகர்
செம்பட்டுடுத்தி வெண்பளிங்கு நிறம் கொண்டவர். தந்தம், அங்குசம், பாசம், நாவற்பழம் ஏந்திய நான்கு கரங்கள்.
26,ஸ்ரீ துண்டி விநாயகர்:
நின்ற கோலத்தில் காட்சியளிக்கும் செந்நிற மேனி.தந்தம், அக்கமாலை, கோடரி, ரத்தின பாத்திரம் தாங்கிய நான்கு கரங்கள்.
27.ஸ்ரீ இருமுக விநாயகர்:
இரு முகம், செந்நிற ஆடை, ரத்தின கீரிடம், நீலநிற மேனி. தந்தம், அங்குசம், பாசம், ரத்தின பாத்திரம் கொண்ட நான்கு கரங்கள்..
28.ஸ்ரீ திரிமுக விநாயகர்:
அபயம், அக்கமாலை, அங்குசம் உள்ள மூன்று வலது கரங்கள், பாசம், அமுத கலசம், வரதம் மூன்று இடது கரங்கள், தங்க தாமரை பீடத்தில் அமர்ந்திருக்கும் செந்நிற மேனி.
29.ஸ்ரீ சிங்க விநாயகர்:
சிங்க வாகனத்தில் அமர்ந்துள்ள வெண்ணிற மேனி. வரதம்,வீணை, சிங்கம், கற்பகக்கொடி கொண்ட நான்கு வலக்க்ரங்கள், தாமரை, மலர்க்கொத்து, ரத்தின கவசம், அபயம் கொண்ட நான்கு கரங்கள்.
30.ஸ்ரீ யோக விநாயகர்
யோக ஆசனத்தில் யோக பட்டம் கட்டிக்கொண்டு யோக தண்டம், அக்கமாலை, பாசம், கரும்பு தாங்கிய நான்கு கரங்கள், நீல நிற ஆடை அணிந்த பால சூரிய நிறம்.
Thursday, September 30, 2010
புரட்டாதிச் சனிவிரதம்
02:41
arasakesarippillayar
Monday, September 27, 2010
நவகிரக தோத்திரம்
05:12
arasakesarippillayar
சனி காயத்ரி மந்திரம்:
பங்கு பாதாய வித்மஹே!
சூர்ய புத்ராயா தீமஹி!!
தந்நோமந்த ப்ரசோதயாத்!!
சனீஸ்வரன் தோத்திரம்:
சனீஸ்வர விரதம்
01:29
arasakesarippillayar
நவக்கிரகங்களால் மற்றொன்றுக்கும் இல்லாத சிறப்பு சனீஸ்வரனுக்கு உண்டு. ஈஸ்வரன் என்ற பெயர் சனீஸ்வரனுக்கு மட்டும் தான் சேர்கிறது. சனியைப் போல் கொடுப்பாரும்மில்லை கெடுப்பாரும் இல்லை என்று சொல்வார்கள். ஜாதகத்தில் சனி நல்ல நிலைலிருந்து கோசாரத்திலும் நல்ல நிலையில் இருந்தால் மிகச்சிறப்பான பலன்களே கிடைக்கும். சனீஸ்வரனை சனிக்கிழமை தோறும் பிரார்த்தித்து வழிபாடுகள் செய்து விரதமிருக்கும் வழக்கம் நீண்டகாலமாக மக்களிடையே உண்டு.
கன்னி மாதத்தில் (புரட்டாதி மாதம்) கன்னிகாவிருக்ஷம் வியாபகமாகிய தினம் புரட்டாசி மாத முதற் சனி, இத்தினதில் சூரியபகவானின் இச்சா சக்தியாகிய உஷாதேவியிடம் சூரியனுக்கு புத்திரனாக இச்சையின் வடிவமான சனீஸ்வரன் தோன்றினான்என்பது புராணம்.
புரட்டாதிச் சனி
01:10
arasakesarippillayar
புரட்டாதி மாதச் சனிக்கிழமையை முன்னிட்டு ஏராளமானவர்கள் கோயிலுக்குச் சென்று பூஜை வழிபாடுகளில் ஈடுபட்டு வருவதுடன் சனீஸ்வர பகவானுக்கு எள்ளெண்ணை விளக்கு ஏற்றியும் நீல நிறப்பூக்களால் அர்ச்சனை செய்தும் சனிதோஷ நிவர்த்திக்காக விரதமிருந்தும் வழிபாடாற்றி வருவதைக் காணமுடிகிறது. இதனை யொட்டி அரசகேசரி வினாயகப்பெருமான் கோவிலிலும் வளக்கம்போல் சிறப்பு ஏற்பாடுகள் செய்யப்பட்டுள்ளன...Thursday, September 23, 2010
தீர்த்தோற்ஸவம்
14:13
arasakesarippillayar
நீர்வை அரசகேசரிப் பெருமானின் தீர்த்தோத்ஸவம் இன்று மதியம் மிகச்சிறப்பாக நடைபெற்றது.'ஆர்த்த பிறவித் துயர் கெட
ஆர்த்தாடுத்தாடும் தீர்த்தன்'
என்று திருவாசகம் பேசும் சிவபெருமானின் திருக்குமாரர்களான முருகனும் விநாயகரும் தீர்த்தக் க்குளத்திற்கு எழுந்தருளி தீர்த்த வாரி கண்டருளினர். தொடர்ந்து மஹா யாகதரிஸனம், ஹாபூர் ணாஹதி, யாககும்பாபிஷேகமும் மிகச்சிறப்பாக இடம்பெற்றது. இவ்விழா பிற்பகல் 2.30மணி யளவில் அன்னதானத்துடன் நிறைவு பெற்றது.
Wednesday, September 22, 2010
அழகு இரதமேறி வந்தான்'
04:26
arasakesarippillayar
அழகு இரதமேறி வந்தான், அருட்காட்சி தந்து நின்றான்.!
அரசகேசரிப்பிள்ளையாரின் தேர்த்திருவிழாவான இன்று பஞ்சமுக வினாயகர் தம்பி முருகப்பெருமான் சமேதரராக காலை ஆறு மணிக்கு வசந்தமண்டபப் பூசையுடன் ஆரம்பித்து ஈழத்தின் தலை சிறந்த தவில் மற்றும் நாதஸ்வர வித்துவான்களின் இசை மழை பொழிய கற்பூர தீபாராதனையுடனும், சாம்பிராணி வாசனை அடியவரின் உள்ளத்துட்புகுந்து பக்திப்பரவசமூட்ட, கொடி, குடை ஆலவட்டம் மற்றும் தீப்பந்தங்கள் அணிவகுக்க ஓதுவார், தேவார, திருவாசக, திருவிசைப்பா, திருப்பல்லாண்டு, திருப்புராணம் முதலான பஞ்சபுராண பாரணங்களை ஓத மற்றும் பல அடியார்களின் அங்கப்பிரதட்டை பின்தொடர அந்தணச்சிவாச்சாரியார்கள் வேதமந்திரங்களை ஓத உள்வீதி வலம் வந்து நீர்வைமண்ணிலே கிடைக்கப்பெற்ற அனைத்துப் பூக்களாலும் பூமழை சொரிய சூரிய பகவான் தனது வெங்கதிர்களை அடக்கி இயற்கை கூட தேரோட்டம் சிறக்க ஆசீர்வாதம் புரிய வெளிவீதியிலிறங்கிய பெருமான் சரியாக எட்டு முப்பது மணிக்கு அழகிய சித்திரத்தேரிலேறி அழித்தல் தொழிலுக்கு ஆயத்தமானார்.Tuesday, September 21, 2010
ஒப்பற்ற அழகுறை சப்பறப்பவனியிலே..!
12:26
arasakesarippillayar
அரசகேசரியானின் மகோற்சவத் திருவிழாவின் ஒன்பதாம் திருவிழாவான இன்று ஆனைமுகனும், ஆறுமுகனும் மிக அழகாக அலங்கரிக்கப்பட்ட கட்டுச்சப்பறத்திலே மின்குமிழ்களின் வர்ண ஒளிவெள்ளத்துள் வீதியுலாவந்து அடியவர்களிற்கு அருட்காட்சி தருகின்ற கண்கொள்ளாக்காட்சி..
Monday, September 20, 2010
புரவியேறிப்புறப்பட்ட பார்வதி மைந்தர்கள்
18:49
arasakesarippillayar
விக்கினங்கள் களைய புரவியேறிப்புறப்பட்ட பார்வதி மைந்தர்களின் வேட்டைக்கோலம்.
அரசகேசரியானின் எட்டாம் திருவிழாவான வேட்டைத்திருவிழாவிற்கென சிறப்பாக அலங்கரிக்கப்பட்ட வினாயகனும் தம்பி முருகப்பெருமானும் சிவப்பு வர்ணம் பூசப்பெற்ற குதிரைகளிலேறி அடியவர்களின் பாவங்களையும் அவர்களைப் பீடித்துள்ள தீங்குகளையும் வேட்டையாட விளைந்த அருட்கோலம்...!
Sunday, September 19, 2010
Thursday, September 16, 2010
பிட்டுக்கு மண் சுமந்த திருவிழா
05:41
arasakesarippillayar
நீர்வேலி அரசகேசரித்தலத்தில் எழுந்தருளியுள்ள பாலாம்பிகை உடனாய
வைத்தியநாதப்பெருமான் ஆவணி மூலநாளாகிய இன்று மதியம்
வைத்தியநாதப்பெருமான் ஆவணி மூலநாளாகிய இன்று மதியம்
4ம்திருவிழாக் கோலாகலம்
05:36
arasakesarippillayar
4ம்திருவிழாக் கோலாகலம்- விசேட தவில் இன்னிசைக்கச்சேரி
நீர்வேலி அரசகேசரிப்பிள்ளையார் கோயிலில் இன்று காலை 4ம்திருவிழாக்கோலாகலமாக விசேட தவில் இன்னிசைக்கச்சேரியுடன் மிகச்சிறப்பாக நடைபெற்றது.
பெருமானின் மஹோத்ஸவ மூன்றாம் நாள்
05:32
arasakesarippillayar
நீர்வை அரசகேசரிப்பெருமானின் மஹோத்ஸவ மூன்றாம் நாளாகிய நேற்றைய தினம் இரவு பிள்ளையார் யானைவாகனத்திலும் குமரன் இடபவாகனத்திலும் காட்சி தந்ததை இங்கு காணலாம். மங்கல வாத்திய கோஷ்டியினருள் சிலர் இசையாராதனை செய்வதும் படத்தில் காட்டப்பட்டுள்ளது.
தகவல்-
தி.மயூரசர்மா
நீர்வையூர் மக்கள் கொண்டாட்டம்
05:30
arasakesarippillayar
அரசகேசரி விநாயகப்பெருமானுக்கு நேற்று மதியம் தொடக்கம் நடைபெற்று வரும் மஹோத்ஸவத்தில் நேற்று மாலை நவசந்தி ஆவாஹனம் இடம்பெற்றது. விநாயகர் மூஷிக வாகனத்திலும் முருகன் மயில் வாகனத்திலும் பவனி வந்து அருட்காட்சி வழங்கினர். இன்றைய தினமும் காலை உத்ஸவம் சிறப்பாக ஆரம்பமாகி நடைபெற்று வருகின்றது.
Wednesday, September 15, 2010
கொடி ஏற்றத்திருவிழா
04:59
arasakesarippillayar
அரச கேசரிப்பிள்ளையார் கோவில் வருடாந்த மகோற்சவம் கொடியேற்றத்துடன் இம்மாதம் 13ஆந் திகதி திரு.சோமதேவக்குருக்கள் தலைமையில் யாழ் நகரின் புகழ்பூத்த அந்தணச்சிவாச்சாரியார்கள் பிரசன்னத்தில் வேதாகம முறைப்படி மிகவும் பக்திபூர்வமாக பலநூறு அடியாரகளின் அரோகரா ஆரவாரத்துடன் ஆரம்பமாகியது. தொடர்ந்து பத்து நாட்கள் மதியம் மற்றும் இரவுப் பூஜைகளிடம்பெற்று 21ஆம் திகதி தேர்த்திருவிழாவும், 22ஆம் திகதி பூரணை தினத்தன்று தீர்த்தத்திருவிழாவும் மாலை கொடியிறக்கத்திருவிழாவுடன் மகோற்வ்சவம் இனிதே நிறைவுறும்.
