1.ஸ்ரீபால விநாயகர்

குழந்தை வடிவம், யானைத்தலை; பொன்னிற மேனி;நான்கு கைகளில் ஒன்றில் வாழைப்பழம்,ஒன்றில் மாம்பழம்,ஒன்றில் கரும்பு, ஒன்றில் பலாப்பழம்,துதிக் `கை'யில் அவருக்கு பிடித்த கொழக்கட்டை.

2.ஸ்ரீ தருண விநாயகர்

இளமை பொங்கும் அழகிய இளைஞனாக,ஒடிந்த தந்தம்,விளாம்பழம், கரும்புத்துண்டம், அங்குசம், பாசம், நெற்கதிர்,நாவற்பழம்,மோதகம் தாங்கிய எட்டு கைகளும் கொண்ட சிவந்த மேனியர்.

3.ஸ்ரீ பக்தி விநாயகர்

அறுவடை கால முழ நிலவு போல் ஒளிரும் சாம்பல நிற மேனியர்; வாழைப்பழம், மாம்பழம்,தேங்காய்,கிண்ணம் நிறைய பாயசம் கொண்ட நான்கு கைகள்.

4.ஸ்ரீ வீர விநாயகர்

வல்லமை வாய்ந்த மாவீரர் போல் அனைவரையும் கவர்ந்தீர்க்கும் வகையில், நின்ற நிலையில் அம்பு அங்குசம், மழ, குந்தாலி, சம்மட்டி, சூலம்,வாள்,சக்கரம், சங்கு, கேடயம், கதை, கொடி, பாசம், நாகம், வேல்,வில் கொண்ட பதினாறு கரங்கள் கொண்ட சிவந்த மேனி.

5.ஸ்ரீ சக்தி விநாயகர்

தனது சக்தியரில் ஒருவ்ரை மடியில் அமர்த்தி இடது கீழ்க்க்கரத்தால் அணைத்த வண்ணம் உட்கார்ந்த நிலையில் அங்குசம் பாசம் ஏந்தி வலது கீழ்க்கரத்தால் அபயம் அளிக்கும் நான்கு கரமுடைய ஆரஞ்சு சிவப்பு மேனியர்.

6.ஸ்ரீ துவிஜ விநாயக

நான்கு முக வெண்ணிலவு வண்ண மேனி, அக்கமாலை,தண்டம், கமண்டலம்,ஏடு ஏந்திய நான்கு கரங்கள்..

7.ஸ்ரீ சித்தி விநாயகர்

எடுத்ததை முடித்து வைக்கும் பொன் மஞ்சள் நிற மேனி,மாம்பழம்,பாசு,கரும்புத்துண்டம், மலர்க்கொத்து கொண்ட நான்கு கரங்கள்,துதிக்கையில் எள்ளுருண்டை..

8.ஸ்ரீ உச்சிஷ்ட விநாயகர்

பேரின்பம் அருளும் பண்பாட்டு காவலர், நீல நிற மேனி, தனது சக்தியுடன் வீற்றிருக்கும் இவர் அக்கமாலை, மாதுளம் பழம், வஜ்ஜிர திரிசூலம், நீலோற்பலம், நெற்கதிர், வீணை தாங்கிய ஆறு கரங்கள்.

9.ஸ்ரீ ஷிப்ர விநாயகர்

வரந்தரு விநாயகரான இவர் தந்தம், அங்குசம், பாசம், கற்பகக்கொடி நான்கு கரங்களில் தாங்கியிருப்பார் துதிக்கையில் இரத்தின கும்பம் கொண்ட வண்ன மேனி..

10.ஸ்ரீ விக்ன விநாயகர் :

விக்கினங்களின் அதிபதி. தந்தம், மலரம்பு, பரசு, சக்கரம், சங்கு, பாசம், கரும்புவில், பூங்கொத்து ஏந்திய எட்டு கரங்கள். துதிக்கையில் கொழக்கட்டையை வைத்திருக்கும் பொன்னிற மேனி.

11.ஸ்ரீ ஹரம்ப விநாயகர்

சிங்கவாகனத்தில் அமர்ந்திருக்கும் ஐந்து முக வெண்ணிறமேனி.அபயகரம்,தந்தம்,மலர்மாலை,அக்கமாலை,சுத்தி, பாசம், பழம், கதை, கொழக்கட்டை கொண்ட பத்து கரம்.

12 ஸ்ரீ லட்சுமி விநாயகர்:

வெற்றியைத் தருபவர்; நீல மலர் ஏந்திய இருதேவியர்களுடைய தூய வெண்ணிற மேனியர்; பச்சைக்கிளி, மாதுளம் பழம், வாள், அங்குசம், பாசம், கற்பகக் கொடி, மாணிக்கக்கும்பம், வரம் தரும் கரம் கொண்ட எட்டு கரங்கள்.

13.ஸ்ரீ மகர விநாயகர்:

மூன்று கண்களுடன் நெற்றியில் பிறைச் சந்திரன் ஒளிர, சிவப்பு வண்ணத்தோற்றம். தந்தம், மாதுளம்பழம், நீலோற்பலம், நெற்கதிர், சக்கரம், பாசம், தாமரை, கரும்புவில், கதை ஆகியவற்றைத் தாங்கிய ஒன்பது கரங்கள், தாமரை எந்திய கையுடன் கூடிய சக்தியை பத்தாவது கையில் தழவிக்கொண்டு துதிக்கையில் ரத்தின கலசம்.

14.ஸ்ரீ விஜய விநாயகர்:

மூஷிக வாகனத்தில் அமர்ந்திருக்கும் வெற்றியைத் தரும் செந்நிற மேனி, தந்தம், அங்குசம், பாசம், மாம்பழம் தாங்கிய நான்கு கரங்கள்.

15.ஸ்ரீ நிருத்திய விநாயகர்

ஊன்றிய இடது கால்,தூக்கிய வலது கால், கற்பக விருட்சத்தனடியில் ஆனந்த நடனமாடும் பொன்னிற மேனி. தந்தம், அங்குசம், அபிநயம் காட்டுவது போலுள்ள உயர்த்திய கையிலே பாசம், கொழக்கட்டை கொண்ட நான்கு கரங்கள்.

16.ஸ்ரீ ஊர்த்துவ விநயகர்:

இடது மடியில் அமர்ந்திருக்கும் பச்சை நிறமுடைய தேவியை அணைத்த வண்ணமுள்ள பொன்னிற மேனி. தந்தம், அம்பு, செங்கழநீர்மலர், நெற்கதிர், கரும்புவில்,தாமரை மலர் கொண்ட ஆறு கரங்கள்.

17.ஸ்ரீ ஏகாட்சர விநாயகர்:

பிறை சூடி, முக்கண்ணனுடன் செம்பட்டுடையும், செம்மலர் மாலையும் அணிந்து குட்டைக் கைகால்களை கொண்டு பத்மாசன நிலையில் மூஷிக வாகனத்தில் அமர்ந்திருக்கும் செந்நிற மேனி, மாதுளம் பழம், அங்குசம், பாசம், கொண்ட நான்கு கரங்கள்.

18.ஸ்ரீ வரத விநாயகர்:

வரம் தரும் பிறைசூடிய முக்கண், செந்நிற மேனி, தேன்கிண்ணம், அங்குசம், பாசம், துவஜம் கொண்ட நான்கு கரங்கள்.

19.ஸ்ரீ திரயாட்சர விநாயகர்

ஆடும் காதுகளில் சாமரம் எனும் அணிகளும், தந்தம், அங்குசம், பாசம், மாம்பழம் கொண்ட நான்கு கரங்கள். தும்பிக்கையில் கொழக்கட்டை பொன்னிற மேனி.

20.ஸ்ரீ ஷிப்ர பிரசாத விநாயகர்:

பிறையுடையாடை, முக்கண் கொண்ட சிவந்த மேனி, தந்தம், தாமரை, அங்குசம், பாசம், கற்பகக் கொடியுடன் ஆறு கரங்கள். துதிக்கையில் மாதுளம் பழம்.

21.ஸ்ரீ ஹரித்ரா விநாயகர்

மஞ்சள் ஆடையுடைய பொன்னிற மேனி. தந்தம், அங்குசம், பாசம், மோதகம் கொண்ட நான்கு கரங்கள்.

22.ஸ்ரீ ஏகதந்த விநாயகர்

பெருத்த வயிறு, ஒற்றைத் தந்தம், அக்கமாலை, கோடரி, லட்டு கொண்ட நான்கு கரங்களைக்கொண்ட நீல மேனி.

23.ஸ்ரீ சிருஷ்டி விநாயகர்

தந்தம், அங்குசம், பாசம், மாம்பழம். கொண்ட நான்கு கரங்கள். செந்நிற மேனியில் பெருச்சாளி வாகனம்.

24.ஸ்ரீ உத்தண்ட விநாயகர்:

வலது கையில் தாமரை ஏந்தியுள்ள பச்சை நிற தேவியை இடது கையால் அணைத்துள்ள செந்நிற மேனி. த்ந்தம், மலர்மாலை, தாமரை, கதை, பாசம், நீலோற்பலம்,நெற்கதிர், கரும்புவில், மாதுளம்பழம் கொண்ட ஒன்பது கரங்கள் துதிக்கையில் ரத்ன கும்பம்.

25.ஸ்ரீ ரணமோகன விநாயகர்

செம்பட்டுடுத்தி வெண்பளிங்கு நிறம் கொண்டவர். தந்தம், அங்குசம், பாசம், நாவற்பழம் ஏந்திய நான்கு கரங்கள்.

26,ஸ்ரீ துண்டி விநாயகர்:

நின்ற கோலத்தில் காட்சியளிக்கும் செந்நிற மேனி.தந்தம், அக்கமாலை, கோடரி, ரத்தின பாத்திரம் தாங்கிய நான்கு கரங்கள்.

27.ஸ்ரீ இருமுக விநாயகர்:

இரு முகம், செந்நிற ஆடை, ரத்தின கீரிடம், நீலநிற மேனி. தந்தம், அங்குசம், பாசம், ரத்தின பாத்திரம் கொண்ட நான்கு கரங்கள்..

28.ஸ்ரீ திரிமுக விநாயகர்:

அபயம், அக்கமாலை, அங்குசம் உள்ள மூன்று வலது கரங்கள், பாசம், அமுத கலசம், வரதம் மூன்று இடது கரங்கள், தங்க தாமரை பீடத்தில் அமர்ந்திருக்கும் செந்நிற மேனி.

29.ஸ்ரீ சிங்க விநாயகர்:

சிங்க வாகனத்தில் அமர்ந்துள்ள வெண்ணிற மேனி. வரதம்,வீணை, சிங்கம், கற்பகக்கொடி கொண்ட நான்கு வலக்க்ரங்கள், தாமரை, மலர்க்கொத்து, ரத்தின கவசம், அபயம் கொண்ட நான்கு கரங்கள்.

30.ஸ்ரீ யோக விநாயகர்

யோக ஆசனத்தில் யோக பட்டம் கட்டிக்கொண்டு யோக தண்டம், அக்கமாலை, பாசம், கரும்பு தாங்கிய நான்கு கரங்கள், நீல நிற ஆடை அணிந்த பால சூரிய நிறம்.

31.ஸ்ரீ துர்க்கா கணபதி

அம்பு, தாமரை, அக்கமாலை, அங்குசம், பாசம், அஸ்திரம், கொடி, வில் ஆகியவற்றை எந்திய எட்டு கரங்கள் செந்நிற ஆடையுடைய பொன்னிறம்.

32.ஸ்ரீ சங்கட ஹர விநாயகர்

துயரங்களைப் போக்குபவர், நீல ஆடை அணிந்த பால சூரியன் போன்ற நிறம். இடது மடியில் நில மலரை ஏந்திய பச்சை மேனியுடைய தேவியை அமர்த்தியிருப்பவர். வரதம் அங்குசமுடைய வலக்கரம், பாசம், பாயச பாத்திரமுடைய இடக்கரம்.

Showing posts with label தகவல்கள். Show all posts
Showing posts with label தகவல்கள். Show all posts

Monday, June 13, 2011

திருக்குடநன்னீராட்டல்

10:58 arasakesarippillayar

நீர்வையின் நடுவே எழுச்சி பெற்றிருக்கிற அரசகேசரியின் எழிலுருவம்..
ஏத்துமின்.. போற்றுமின்..


நீர்வை அரசகேசரிப் பிள்ளையார் திருக்கோயிலில் நேற்று காலையில் மஹாகும்பாபிஷேகம் நடைபெற்றது. அதனைத் தொடர்ந்து ஆலய முன்றலில் விநாயகரை நோக்கி அமைக்கப்பட்டுள்ள அரசகேசரியின் திருவுருவத்திற்கும் திருக்குடநன்னீராட்டல் நடந்தது.

நீரூரின் வரலாற்றுச் சிறப்பினை வெளிப்படுத்த வல்ல அற்புத எழிலுருவாக அரசகேசரி இங்கு எழுந்து நிற்கிறார். 16ம் நூற்றாண்டுக்குரியவரான இவர் யாழ்ப்பாண இராச்சிய சக்கரவர்த்தி பரராஜசேகரனின் மருகனும் மஹாமந்திரியுமாவார். இவரே நீர்வேலியில் அரசகேசரியானின் திருத்தலம் உருவாவதற்கு காரணராக விளங்கியவர் என்றும் வரலாறு சான்று பகர்கிறது. அரசனாகவும் விளங்கிய அரசகேசரி மாபெரும் கவிச்சக்கரவர்த்தியாவான். ஆரியச்சக்கரவர்த்தி வம்சத்தவனான இவனே ரகுவம்ச மஹாகாவியத்தைத் தமிழில் படைத்தவன்.

இப்பெருமைகளுக்கெல்லாம் உரியவனாய அரசகேசரிக்கு நீர்வேலி அரசகேசரிப் பிள்ளையார் திருக்கோயில் முன்றலில் புதிதாக திருவடிவம் அமைக்கப்பட்டுள்ளது. ‘சிவத்தமிழ்ச் சொல்லழகர்’ விரிவுரையாளர் ச.லலீசன் அவர்களின் உபயமாக இவ்வுருவம் அமைக்கப்பட்டுள்ளது.

அரசகேசரியின் புகழ்களை சம்ஸ்கிருத மொழியில் ஆலய குருக்கள் சோமதேவசிவாச்சார்யார் குறிப்பிட்டு வேத கோஷம் முழங்க குடமுழுக்குசெய்தார். தொடர்ந்து பிள்ளையாரின் பிரசாதமாக அரசகேரிக்கு பரிவட்டம் அணிவிக்கப்பட்டது.

யாழ்ப்பாண மாவட்ட அரசாங்க அதிபர் திருமதி இமெல்டா சுகுமார் அவர்கள் அரசகேசரிக்கு மலர் மாலை அணிவித்தார். கோப்பாய் பிரதேச செயலர் ம.பிரதீபன் மலர்கள் சொரிந்து வணக்கம் செலுத்தினார். அவ்வாறே சிவாச்சார்யார்கள் உள்ளிட்ட பலரும் இந்நிகழ்வில் அரசகேசரியைப் போற்றி செய்தனர்.

இந்நிகழ்வினை ‘மிகச்சிறப்பான செயற்பாடு’ என்றும் ‘வரலாற்றுப் பெருமையை வருங்காலமும் உணரச் செய்யும் நல்ல செயற்பாடு’ என்றும் அரசஅதிபர் முதலானவர்கள் விதந்துரைத்தனர்.


தகவல்- ஜெ.செந்தூரன்
படங்கள்- குமரஸ்ரீ (ஆசிரியர்)

Thursday, May 06, 2010

புதிய நுழைவாயிற் கதவு

01:48 arasakesarippillayar

அரசகேசரிப் பிள்ளையாருக்குப் கோவில் -புதிய நுழைவாயிற் கதவு

கோவில் கோபுர மண்டபத்திற்கு வெளியே மரத்தினால் ஆன சட்டப்படல் அமைக்கப்பட்டுக் கதவு காணப்பட்டது. தற்போது இக்கதவு அகற்றப்பட்டு இரும்பினால் ஆன கிறில் கதவு அழகிய தோற்றத்துடன் அமைக்கப்பட்டுள்ளது.






தகவல் :-
தி.மயூரகிரி - நீர்வேலி 

Thursday, April 22, 2010

வெளி மண்டபத்திற்கு இரும்புக்கதவு

03:40 arasakesarippillayar


அரசகேசரிப்பிள்ளையார் ஆலயத்தில் புதிதாக கோபுரவாயில் வெளி மண்டபத்திற்கு இரும்புக்கதவு

               அரசகேசரிப்பிள்ளையார் ஆலயத்தில் புதிதாக கோபுரவாயில் வெளி மண்டபத்திற்கு இரும்புக்கதவு அமைக்கப்பட்டுள்ளது. கோயிலின் பாதுகாப்புக் கருதியும் இரவில் திறந்திருந்த கோபுர மண்டபத்தில் வேண்டாத செயல்கள் நடைபெறாமல் தடுக்கும் முகமாகவுமே இக்கதவு பொருத்தப்பட்டுள்ளது

தகவல் :-
தி.மயூரகிரி - நீர்வேலி

Saturday, April 17, 2010

உதயன் பத்திரிகையில் ஆலயம் பற்றிய செய்தி.

14:43 arasakesarippillayar

உதயன் பத்திரிகையில் நீர்வேலி அரசகேசரிப்பிள்ளையார் ஆலயம் பற்றிய செய்தி.


உதயன் பத்திரிகையில் இன்று வியாழக்கிழமை (15.04.2010) இடம்பெற்ற வலி.கிழக்கு வலம் பகுதியில் நீர்வேலி அரசகேசரிப்பிள்ளையார் ஆலயம் பற்றி அழகனான கட:டுரை ஒன்று ஞான சூரியன் என்பவரால் எழுதப்பட்டுள்ளது.      சென்ற புதன்கிழமையும் மேற்படி ஆலயம் தொடர்பான அற்புதத் தகவல்களையும் அரிய செய்திகளையும் உள்ளடக்கி கட்டுரை வந்திருந்தது. அதன் தொடர்ச்சியை இதுவாகும்..
தகவல் :-
தி.மயூரகிரி - நீர்வேலி                                                  
 

Monday, December 28, 2009

திருவெம்பாவை

03:25 arasakesarippillayar

திருவெம்பாவை வேண்டுகோள்.

எமது ஆலயத்தில் மார்கழிமாதத்தில் நடைபெறும் மற்றுமோர் விசேட வழிபாடாகிய திருவெம்பாவை பூசை வெகு சிறப்பாக நடைபெற்றுக்கொண்டிருக்கின்றது.

இத்திருவிழாவின் இன்னோரு விசேட நிகழ்வான பஜனைப்பயணம் திரு.சந்திரன் தலைமையிலான பஜனைக்குழுவினர் நமது ஊரில் உள்ள வீதிகளால் பஜனைசெய்து வருவார்கள். கடந்த காலங்களைப்போன்று, அவர்களுக்கு அடியவர்கள் ஊக்கமளிக்கும்வண்ணம் வேண்டப்படுகிறீர்கள்.

Read more »

Sunday, December 27, 2009

கஜமுக சங்காரத்தின் புகைப்படங்கள்

06:08 arasakesarippillayar



19ம் நாள் மார்கழி மாதம் திங்கட்கிழமை (21.12.2009) பிற்பகல் 4 மணிக்கு நடைபெற்ற கஜமுக சங்காரத்தின் புகைப்படங்களை கீழ்க்கண்ட சுட்டியில் பார்க்கலாம்..
கஜமுக சங்காரத்தின் புகைப்படங்கள் 

Saturday, November 28, 2009

வைரவிழாவும்,வெள்ளி விழாவும்

13:04 arasakesarippillayar

இன்று (29.11.2009) நீர்வேலி ஸ்ரீ கணேசா சன சமூகநிலைய வைரவிழாவும் ஸ்ரீ கணேசா முன்பள்ளி வெள்ளி விழாவும் அரசகேசரிப்பிள்ளையார் இணையத்தள அறிமுக விழாவும். நீர்வேலி அரசகேசரி விநாயகர் ஆலய முன்பள்ளியில் வெகுவிமரிசயாக நடைபெறஉள்ளது என்பதனை அறியத்தருகின்றோம்.



Read more »

Tuesday, November 10, 2009

சில முக்கியமான கட்டுமானங்கள்

13:11 arasakesarippillayar

நீர்வேலி அரசகேசரி ஆலயமானது பத்தர்களின் நன்கொடைகளாலும் விடாமுயற்சியாலும் பலவிதமான கட்டுமான பணிகளை முன்னெடுத்துக்கொண்டு இருக்கிறது. இவற்றிலே சில முக்கியமான கட்டுமானங்களை குறிப்பிட முடியும்.

Read more »
Twitter Delicious Facebook Digg Stumbleupon Favorites More

 
மேன்மைகொள் சைவநீதி விளங்குக உலகமெலாம்திருச்சிற்றம்பலம் | காப்புரிமை